نشرت الممثلة اللبنانية نادين نسيب نجيم، مجموعة صورٍ جديدةٍ لها جمعتها بالفنان اللبناني الراحل جورج الراسي عبر حسابها الشخصي في موقع "انستغرام" الشهير.
وأرفقت نادين نسيب نجيم الصور بتدوينة رثاء للمرحوم جورج الراسي؛ استذكرت من خلالها لحظة تعارفها عليه، حيث كتبت، قائلة: " بهيداك النهار اتعرفت عليك عن قريب و شو كنت مهضوم وشخص قلبه طيب كتير و لطيف و محترم وضليتني إضحك قد ما بتمزح وبتحب الحياة".
وتابعت نجيم قائلة: "كتير انقهرت على شبابك وعلى ابنك يلي خسر بيه وعلى رفيقتك و بناتها يلي خسروا امنّ الله يرحمك ويرحمها و الله يصبر قلب اختك و امك و عيلتك كتير صعب يلي صار !!!".
وفي تعليقها على هذا الحادث المأساوي، أشارت نادين نجيم: "حادث سير إنت ما ذنبك فيه ! أيا حدا كان فيه يكون مطرحك إهمال الدولة وقلة المسؤولية حرقت قلب أمك وأخواتك وإبنك وكل يلي بيحبوك . ما في شي رح يعوض خسارتك وهيدي حرقة وغصة رح ضل بالقلب بس بالإيمان و الصلاة ورحمة الرب".
وختمت الممثلة نادين نسيب نجيم كلماتها المؤثرة، برسالة تعزية ومواساة إلى آل الراسي، قائلة: "الله يكون بعونكم و يصبركم ويخفف حزنكم آمين، رحمتك يا الله".
